"Белнафтахім" хоча адпусціць кошты на паліва
З такой заявай выступіў старшыня канцэрна Ігар Жылін.
На яго думку, для выжывання нафтахімічнай галіны неабходна адмяніць дэклараванне коштаў і даць арганізацыям права рэалізоўваць прадукцыю на любых рынках, зыходзячы з эфектыўнасці продажаў.
Як інфармуе "Ежедневник", гэтая заява прагучала падчас паседжання Прэзідыума Савета міністраў на мінулым тыдні.
Нагадаем, што цяпер урад цвёрда рэгулюе ўнутраныя кошты на прадукты нафтаперапрацоўкі, і ў першую чаргу гэта датычыць коштаў на паліва. "Белнафтахім" ужо неяк спрабаваў адпусціць кошты і выклікаў сур'ёзныя пратэстныя настроі ў беларускім грамадстве і, як вынік, гнеў Аляксандра Лукашэнкі.
Фота — avtopark.biz
