Беларусь прызнала Паўднёвы Судан
Аб гэтым гаворыцца ў афіцыйнай заяве Міністэрства замежных спраў.
У прэс-рэлізе МЗС адзначаецца, што Беларусь вітае стварэнне новай дзяржавы мірным шляхам, а таксама разлічвае на развіццё супрацоўніцтва ва ўсіх сферах.
Нагадаем, што Паўднёвы Судан на сённяшні дзень з’яўляецца самай маладой дзяржавай свету. Рашэнне аб незалежнасці ад Судана яго жыхары прынялі на рэферэндуме, які адбыўся мінулай зімой.
