Беларусь і Эквадор збіраюцца рэфармаваць ААН
Неабходнасць у такіх рэформах і дэмакратызацыі ААН адзначылі ў сумесным камюніке Аляксандр Лукашэнка і Рафаэль Карэа Дэльгада.
Яны таксама дамовіліся ўзаемна падтрымліваць ініцыятывы і кандыдатуры абедзвюх краін у рамках міжнародных арганізацый, перадае interfax.by. У камюніке заяўляецца пра агульныя погляды на неабходнасць выканання нормаў міжнароднага права, абароны правоў чалавека.
У дакуменце адзначаецца неабходнасць процідзейнічаць самым вострым выклікам сучаснасці, уключаючы глабальнае пацяпленне і змену клімату.