Аўстралійскага тэлежурналіста не выпускаюць з Беларусі
Амаса Робертса затрымалі ў Нацыянальным аэрапорце "Мінск", калі ён пакідаў нашу краіну.
Паводле папярэдніх звестак прэс-службы БАЖ, у яго забіраюць апаратуру і носьбіты інфармацыі. Робертс — прадстаўнік аўстралійскага тэлеканала SBS. Ён меў афіцыйную акрэдытацыю пры МЗС і працаваў тут на працягу тыдня.
Беларускія калегі затрыманага кажуць, што праблемы з выездам узніклі ў журналіста на мытні. У яго з сабой тэлекамера, камп'ютар, карткі памяці ды іншыя носьбіты інфармацыі.
