Рэгуліроўшчыка ДАІ прыцягнулі да адказнасці за дзіўны жэст (фота)
У Брэсце рэгуліроўшчыка ДАІ прыцягнулі да дысцыплінарнай адказнасці за дзіўны жэст на скрыжаванні. Здарылася гэта пасля скаргі, у якой ішла гаворка пра тое, што адзін з жэстаў можа насіць абразлівы характар, а іншы выкананы нездавальняюча. А гэта парушае спакой кіроўцаў, уводзіць іх у зман, садзейнічае ўзнікненню аварыйна-небяспечнай сітуацыі на дарогах абласнога цэнтра. Былі прыкладзены фотаздымкі.
Як піша сайт realbrest.by, упраўленне ДАІ УУС Брэсцкага аблвыканкама правяло службовую праверку. “За неналежнае выкананне службовых абавязкаў” інспектара ДПС пакаралі.
Фота: realbrest.by