Рэферэндум падчас вайны. Абмяркоўваем з палітолагам Андрэем Ягоравым
Бюлетэнь на рэферэндуме і Андрэй Ягораў / Еўрарадыё
27 лютага — у дзень рэферэндуму па Канстытуцыі — беларусы выйшлі на антываенныя пратэсты. Людзі паказалі, што не жадаюць, каб Беларусь удзельнічала ў расійскай агрэсіі супраць Украіны. Улады адказалі затрыманнямі (у аўтазак павялі нават жанчыну з сабачкам), перакрыццем вуліц у цэнтры Мінска і запэўненнямі, што ўсё ў парадку.
Украіна тым часам пагадзілася абмеркаваць з Расіяй умовы завяршэння канфлікту. Перагаворы ідуць на Прыпяці на беларуска-ўкраінскай мяжы. І цяпер ужо зразумела, што гэта не перамовы аб капітуляцыі Кіева.
Як прайшоў рэферэндум, што ён паказаў, і ці ўвогуле мае ён значэнне на фоне памылкі з удзелам у вайне, якую зрабіў Лукашэнка? Ён увогуле самастойны — ці пад поўным кантролем у Расіі? Якія ў Беларусі перспектывы як у краіны пасля садзейнічання Расіі ў вайне? Пагроза ядзернай зброяй, якая сыходзіць ад Пуціна, рэальная? Абмяркоўваем гэта з палітолагам Андрэем Ягоравым.
