Рассельгаснагляд вінаваціць "Белрыбу" ў фальсіфікацыі ласасёвай ікры
Беларускія вытворцы нібыта выдавалі штучную ікру за ласасёвую.
Рассельгаснагляд паведамляе, што выявіў факт фальсіфікацыі ікры з боку беларускага адкрытага акцыянернага таварыства "Белрыба".
Па звестках расійскага ведамства, якія перадае interfax.by, малекулярна-генетычны аналіз узору ласасёвай зярністай ікры (ад стронгі), выпушчанай на "Белрыбе", не выявіў ДНК відаў рыб сямейства ласасёвых.
У Рассельгаснаглядзе тлумачаць, што гэта сведчыць пра штучнае паходжанне ікры.
Фота: belryba.by
