Расію могуць выключыць з ФІФА і УЕФА?
Еўрасаюз гатовы разгледзець пытанне аб прыпыненні сяброўства Расіі ў міжнародным і еўрапейскім футбольным саюзах.
Новыя санкцыі Еўрасаюза ў дачыненні да Расіі могуць закрануць не толькі эканоміку і фінансавы сектар, але і спорт. Пра гэта паведаміла чэшскае агенцтва ЧТК са спасылкай на праект санкцый, атрыманы ўрадам Чэхіі з Бруселя, інфармуе сайт rsport.ru.
У праекце санкцый гаворыцца пра тое, каб краіны-сябры ЕС разгледзелі пытанне аб прыпыненні сяброўства Расіі ў шэрагу міжнародных спартыўных арганізацый.
У такім выпадку Расія не магла б удзельнічаць у чэмпіянаце свету па футболе або ў спаборніцтвах, якія праходзяць пад эгідай УЕФА: у кваліфікацыі чэмпіянату Еўропы і ў Лізе чэмпіёнаў.