Расійскія войскі спрабуюць прарваць фронт на Харкаўскім напрамку
![Украінскія вайскоўцы, ілюстрацыйнае фота](/sites/default/files/styles/gallery_main/public/2024-05/ukr-1005.jpg.webp?itok=LZWK3pc-)
Украінскія вайскоўцы, ілюстрацыйнае фота / 148 ОАБр ДШВ
Расійскія войскі актывізаваліся на Харкаўскім напрамку і спрабуюць прарваць фронт пад Ваўчанскам, паведамляе прэс-служба Мінабароны Украіны.
Раней расійскія і ўкраінскія крыніцы паведамілі, што войскі РФ спрабуюць наступаць з боку Белгародскай вобласці на ўкраінскія памежныя вёскі.
У Мінабароны Украіны заяўляюць, што за мінулыя суткі пад Ваўчанскам расіяне наносілі авіяўдары з ужываннем кіраваных авіяцыйных бомбаў (КАБ), а ўначы ўзмацніліся артабстрэлы пярэдняга краю абароны.
"Прыблізна а 5-й раніцы адбылася спроба прарыву праціўнікам нашай лініі абароны пад прыкрыццём бранетэхнікі", — павдамляюць у Мінабароны. Падкрэсліваецца, што цяпер гэтыя атакі ўдалося адбіць, але працягваюцца баі рознай інтэнсіўнасці.
Украінскае войска падцягвае рэзервы для ўзмацнення абароны на гэтым участку фронту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.