Расійскі беспілотнік трапіў у шматпавярховік у Дняпры
Наступствы расійскай атакі ў Дняпры / ГСЧС Украины
Расійцы атакавалі мінулай ноччу ўкраінскія гарады беспілотнікамі. У Дняпры дрон трапіў у шматпавярховік. Разбураныя два паверхі. Ужо вядома пра восем пацярпелых. Але пад заваламі яшчэ могуць заставацца людзі — на месцы працуюць ратавальнікі.
Загінулыя ў выніку расійскай атакі ёсць і ў Адэсе. Тут беспілотнік трапіў у грамадзянскае прадпрыемства, паведамляе Hromadske. Быў пажар. Пад заваламі ратавальнікі знайшлі целы 3 загінулых.
Расійцы ў ноч на 23 лютага выкарысталі пры атацы на Украіну 31 ударны беспілотнік тыпу Shahed, а таксама ракеты. 23 дроны ўдалося збіць, паведамілі ў паветраных сілах ВСУ. Беспілотнікі былі знішчаныя над тэрыторыяй Адэскай, Мікалаеўскай, Палтаўскай, Днепрапятроўскай, Харкаўскай абласцей.
