Расійскага прапагандыста Віктара Бязеку высылаюць з Польшчы
Варшава / pixabay.com
Расійскі прапагандыст Віктар Бязека ўнесены ў польскі "чорны спіс", бо яго публіцыстычная дзейнасць з'яўляецца элементам інфармацыйнай вайны, якую Крэмль вядзе супраць Польшчы і ЕС. Пра гэта, як піша PAP, гаворыцца ў заяве Дэпартамента нацыянальнай бяспекі.
Бязека супрацоўнічаў з тэлеканалам Russia Today ды польскай службай інфармагенцтва Sputnik. На думку польскіх уладаў, ён шмат гадоў распаўсюджваў пракрамлёўскую прапаганду, скіраваную супраць інтарэсаў Польшчы.
Прапагандыста высылаюць з Польшчы.
Гэта не першы падобны выпадак. У сакавіку 2021 года Польшча падоўжыла да 2025 года забарону на ўезд "заангажаванаму ў пашырэнне крамлёўскай прапаганды" Леаніду Свірыдаву. У тым жа годзе пад забарону трапіў расійскі тэлежурналіст Яўген Рашэнцьеў.
