Прышчэпленыя ад каранавіруса ўкраінцы атрымаюць грашовыя выплаты
![Праграма стартуе з 19 снежня / Ілюстрацыйнае фота РІА Навіны](/sites/default/files/styles/gallery_main/public/2023-08/1576865791_0_151_3072_1879_1920x0_80_0_0_078c58c3e3b5f0ffb5249368ad45017a.jpg.webp?itok=HFINwkZr)
Праграма стартуе з 19 снежня / Ілюстрацыйнае фота РІА Навіны
Вакцынаваныя грамадзяне Украіны змогуць атрымаць па 1 тысячы грыўняў (каля 94 беларускіх рублёў у эквіваленце) за тое, што зрабілі прышчэпку, паведамляе "Громадське". Адпаведны законапраект прыняла Вярхоўная Рада ў першым чытанні ў чацвер.
Такім чынам улады краіны маюць намер падтрымаць грамадзян краіны падчас каранціну і стымуляваць іх да вакцынацыі. Грошы за прышчэпку не будуць выдавацца наяўнымі — грамадзянам выдадуць ваўчар або сертыфікат. Атрыманыя сродкі можна будзе выдаткоўваць толькі на канкрэтныя тавары і паслугі, спіс якіх будзе апублікаваны. Мяркуецца, што праграма стартуе з 19 снежня.
Як паведамляла Еўрарадыё, аднаразовыя выплаты ў памеры 100 еўра атрымаюць літоўскія пенсіянеры, якія зрабілі прышчэпку ад каранавіруса. Праект разлічаны да сакавіка 2022 года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.