Прэзідэнт Украіны Уладзімір Зяленскі прыляцеў у Вялікабрытанію
![Уладзімір Зяленскі і Рышы Сунак / t.me/V_Zelenskiy_official/](/sites/default/files/styles/gallery_main/public/2023-08/Ze.jpg.webp?itok=Rm9uuMsg)
Уладзімір Зяленскі і Рышы Сунак / t.me/V_Zelenskiy_official/
Прэзідэнт Украіны Уладзімір Зяленскі прыляцеў у Вялікабрытанію. У аэрапорце яго сустрэў брытанскі прэм'ер-міністр Рышы Сунак.
Чакаецца, што Зяленскі выступіць у брытанскім парламенце і сустрэнецца з каралём Карлам III, паведамляе "Бі-Бі-Сі".
"Вялікабрытанія адной з першых прыйшла на дапамогу Украіне, — піша ўкраінскі прэзідэнт. — І сёння я ў Лондане, каб асабіста падзякаваць брытанскаму народу за падтрымку і прэм'ер-міністру Рышы Сунаку за яго лідарскую пазіцыю".
Візіт у Вялікабрытанію — другая паездка Уладзіміра Зяленскага за мяжу з 24 лютага 2022-га, з часу агрэсіі Расіі. У канцы мінулага года ён наведаў ЗША.
Welcome to the UK, President @ZelenskyyUa.
— Rishi Sunak (@RishiSunak) February 8, 2023
#SlavaUkraini pic.twitter.com/rMoBTC3ken
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.