Праз месяц “Vicious Crusade” адыграюць канцэрт пасля чатырохгадовага перапынку
27 траўня “Vicious
Crusade” адыграюць у Мінску першы канцэрт пасля чатырохгадовага перапынку. 1
чэрвеня 2003 года гурт развітаўся з фэнамі, запланаваўшы двухгадовы перапынак. “Замест
абяцаных двух прайшло чатыры доўгія гады пакутлівага чакання”, – канстатуе
франтмэн “Vicious Crusade” Зміцер Басік.
27 траўня “VC”
адыграе the best – гурт падрыхтаваў 20 песень з усіх папярэдніх альбомаў. У
асноўным гэта кампазіцыі, якія прыхільнікі калектыва часцей за ўсё згадваюць
сярод сваіх улюбёных. Будзе ў праграме і новая песня - "Freedom
Comes".
