Правакацыі на мяжы: ці магчымыя і пры чым тут “Захад-2021”?

Штодня ў Беларусь прывозяць расійскіх вайскоўцаў і тэхніку — набліжаюцца чарговыя беларуска-расійскія вучэнні “Захад-2021”. І па нейкім супадзенні Аляксандр Лукашэнка папярэдзіў Захад і найперш Літву, што ля літоўскай мяжы могуць з’явіцца ўзброеныя “барадатыя мсціўцы”, якія будуць помсціць за пакрыўджаных літоўскімі памежнікамі суайчыннікаў-нелегалаў.

Ці можна гаварыць, што Лукашэнка анансаваў падзеі, якія дакладна хутка адбудуцца на беларуска-літоўскай мяжы? Ці ёсць тут сувязь з беларуска-расійскімі вучэннямі? Якой можа быць рэакцыя НАТА на якія-небудзь узброеныя правакацыі на мяжы? Пра гэта ды шмат што іншае гаворым з кіраўніком аналітычнага праекта Belarus Security Blog Андрэем Паротнікавым.