Праваабаронцы прызналі палітвязнямі яшчэ 11 чалавек

Праваабаронцы прызналі палітвязнямі яшчэ 11 чалавек. Агульная колькасць палітвязняў павялічылася да 239.

Новыя палітычныя зняволеныя — людзі, якіх асудзілі за апошнія дні:

Антон Валавік (тры гады пазбаўлення волі па арт. 342, 364 КК);

Арцём Ісакаў (тры гады пазбаўлення волі па арт. 364 КК);

Іван Канявега (тры гады пазбаўлення волі па арт.342, 218, 364 КК);

Руслан Акостка (тры гады пазбаўлення волі па арт. 363 КК);

Аляксей Губіч (тры гады пазбаўлення волі па арт.364 КК);

Дзмітрый Гопта (два гады пазбаўлення волі па арт. 342 і 364 КК);

Вадзім Гурман (тры з паловай гады пазбаўлення волі па арт. 342 і 364 КК);

Віталь Прохараў (непаўналетні, два гады пазбаўлення волі па арт. 342 і 364 КК);

Аляксей Чарвінскі (чатыры гады пазбаўлення волі па арт. 364 КК);

Андрэй Хрэнкоў (пяць гадоў пазбаўлення волі па арт. 364 КК);

Сяргей Раткевіч (пяць гадоў пазбаўлення волі па арт. 364 КК).

Праваабаронцы патрабуюць неадкладна перагледзець прысуды гэтым людзям і вызваліць іх з-пад варты "з прымяненнем іншых мер, якія забяспечваюць яўку ў суд".

Пад заявай падпісаліся праваабарончы цэнтр "Вясна" (зачынены ўладамі), кансультацыйны цэнтр па актуальных міжнародных практыках і іх імплементацыі ў праве "Х'юман канстанта", Беларускі дом правоў чалавека імя Барыса Звозскава, РГА "Прававая ініцыятыва”, Беларускі дакументацыйны цэнтр, цэнтр прававой трансфармацыі Lawtrend, ініцыятыўная група "ідэнтычнасць і права".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.