Пракуратура накіравала ў суд крымінальную справу кіраўніка АГП
Пракуратура накіравала ў суд крымінальную справу супраць кіраўніка АГП Мікалая Казлова. Як паведамляе прэс-служба Генпракуратуры, яго вінавачцяць у разгалошванні даных папярэдняга следства.
Справу пачалі ў сакавіку 2021 года. Экс-падпалкоўніка міліцыі Казлова некалькі разоў выклікалі на допыт па "справе Каардынацыйнай Рады". Ён пастаянна адмаўляўся даваць падпіску аб неразгалошванні на допытах у Следчым камітэце. А пасля расказваў, як праходзілі допыты.
