Прафсаюз "Беларуськалія" збірае для "Наваросіі" начныя прыцэлы і цеплавізар
А таксама грошы, спальнікі, берцы.
Беларускія шахцёры збіраюцца дапамагчы "шахцёрам Данбаса" берцамі, цёплай формай, камуфляванымі футболкамі, цяльняшкамі, карэматамі і спальнікамі. Акцыю дапамогі так званым "абаронцам шахцёрскага Данбасу" абвясціў афіцыйны прафсаюз Беларуськалія — "Белхімпрафсаюз".
Як паведаміў у гутарцы з Радыё "Свабода" старшыня прафсаюзу Ігар Навумовіч, да іх звярнулася беларуская філія расійскага фонду "Сваіх не кідаем". Прафсаюз абмеркаваў гэты зварот на сходзе і вырашыў арганізаваць акцыю дапамогі.
Сярод спісу рэчаў, якія збірае Фонд дапамогі, — прыцэлы начнога бачання, дальнамеры, цеплавізары, амуніцыя.
