Прадстаўніца Сусветнага банка: Беларусь і Расія блізкія да дэфолту
Беларусь і Расія блізкія да дэфолту. Такую заяву зрабіла ў каментары Reuters галоўны эканаміст Сусветнага банка Кармэн Рэйнхарт. У яе прагнозе улічваюцца маштабныя санкцыі, уведзеныя супраць эканомік гэтых краін ЗША і іх саюзнікамі ў сувязі з вайной ва Украіне.
"І Расія, і Беларусь знаходзяцца на тэрыторыі дэфолту", — кажа Рэйнхарт. Тая ж РФ ужо ў значнай ступені адрэзаная ад сусветных фінансавых рынкаў. Агенцтва Fitch днямі заявіла пра непазбежнасць дэфолту Расіі, панізіла яе суверэнны рэйтынг на шэсць пунктаў: санкцыі і гандлёвыя абмежаванні падарвалі гатоўнасць краіны абслугоўваць запазычанасць.
Супраць Беларусі і Расіі працягваюць уводзіцца ўсё новыя і новыя санкцыі.
