Польшча купіла беспілотнікі Bayraktar для аховы мяжы з Беларуссю
Польскую мяжу будуць патруляваць дроны Bayraktar TB2 / GETTY, Anadolu Agency
Польшча купіла тры турэцкія беспілотнікі Bayraktar TB2, каб кантраляваць мяжу з Беларуссю, піша польскі сайт WP Tech.
Агулам палякі плануюць купіць 24 дроны і 12 станцый кіравання. Кантракт разлічаны на 270 мільёнаў долараў.
Чакаецца таксама, што ў 2024 годзе ў Польшчы з'явяцца турэцкія планеруючыя ракеты з лазерным навядзеннем MAM-L і MAM-C.
Ударныя дроны Bayraktar атрымалі шырокую вядомасць падчас расійска-ўкраінскай вайны. Яны добра зарэкамендавалі сябе пры адбіцці расійскай агрэсіі зімой-вясной 2022 года.
