Першы міністр Шатландыі пасля прайгранага рэферэндуму сыходзіць у адстаўку
Алекс Салманд прыняў рашэнне пра неадкладную адстаўку па выніках рэферэндуму аб незалежнасці.
Ён таксама сыходзіць з пасады лідара Шатландскай нацыянальнай партыі, пасля таго як 55% шатландскіх выбаршчыкаў выказаліся за захаванне краіны ў складзе Злучанага Каралеўства.
“Для мяне як для палітыка справы амаль скончыліся, але для Шатландыі барацьба за незалежнасць працягваецца, і наша мара ніколі не памрэ”, — заявіў Салманд на прэс-канферэнцыі ў афіцыйнай рэзідэнцыі ў Эдынбургу.
“Я неверагодна ганаруся, што на наш заклік адгукнуліся 1,6 мільёна шатландцаў, і тым, як была арганізаваная наша кампанія”, — сказаў першы міністр, звяртаючыся да журналістаў.
На рэферэндуме 18 верасня шатландцы прагаласавалі за тое, каб застацца ў Злучаным Каралеўстве, перадае ВВС.
