Пажар у Мінску ў жылым доме, загінулі трое чалавек (відэа)
Здарэнне адбылося ў другой палове дня 5 верасня.
У шматкватэрным жылым доме па адрасе Розы Люксембург, 113 загарэлася кватэра на другім паверсе. Вось што распавёў Еўрарадыё кіраўнік прэс-службы МНС Мінска Віталь Дэмбоўскі:
"Нашыя падраздзяленні рознымі спосабамі з агню дасталі 7 чалавек. Траіх з іх, на жаль, выратаваць не ўдалося. "Хуткая" пасля рэанімацыі канстатавала смерць".
Загінулі двое мужчын і жанчына. Праводзяцца следчыя мерапрыемствы.
Здымак з архіву. Фота — БЕЛТА
