Паўлу Севярынцу працягнулі "тэрмін следства" да 20 снежня

Палітвязню Паўлу Севярынцу працягнулі "тэрмін следства" на два месяцы — да 20 снежня. Пра гэта Вольга Севярынец, жонка апазіцыйнага палітыка, даведалася з яго ліста.

Паўлу Севярынцу 43 гады. Ён — былы лідар маладафронтаўцаў, сустаршыня аргкамітэта па стварэнні партыі "Беларуская хрысціянская дэмакратыя". За арганізацыю вулічных акцый пратэсту двойчы быў асуджаны на "хімію". Сёлета яго затрымалі 7 чэрвеня. Спачатку гэта быў адміністрацыйны арышт, які неаднаразова працягваўся. Пасля 75 сутак за кратамі Следчы камітэт заявіў, што Севярынец праходзіць па крымінальнай справе аб падрыхтоўцы "масавых беспарадкаў".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.