Паўла Белавуса не выпусцілі пасля другіх 15 сутак
![Паўла Белавуса не выпусцілі пасля другіх 15 сутак](/sites/default/files/styles/gallery_main/public/2023-08/bielavus-1512.jpg.webp?itok=UfobdiLP)
Заснавальніка Symbal.by Паўла Белавуса мусілі сёння выпусціць з Акрэсціна, але не выпусцілі. Прадпрымальніка зноў перазатрымалі і, імаверна, будуць трэці раз судзіць за яшчэ якую-небудзь выдуманую "адміністратыўку".
Белавус — папулярызатар беларускага, натхняльнік святкавання 100-годдзя БНР і кампаніі "Годна". Сёлета ён ужо адсядзеў у ізалятары 28 сутак.
Яго затрымалі 15 лістапада і спярша абвінавацілі ў "несанкцыянаваным пікетаванні" татуіроўкай: у Белавуса на запясці ёсць татуіроўка з бел-чырвона-белым сцяжком і імем ягонага сына — "Мірон". Другі прысуд яму вынеслі за "дробнае хуліганства", прычым не выпускаючы з Акрэсціна.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.