Пастара царквы "Новае жыццё" выклікалі ў Следчы камітэт
Вячаслаў Ганчарэнка
У Следчы камітэт выклікалі пастара ліквідаванай царквы "Новае жыццё" Вячаслава Ганчарэнку. Пра гэта ў Фэйсбуку напісала ягоная жонка Ірына Ганчарэнка.
Мінскі гарадскі суд ліквідаваў царкву "Новае жыццё" 17 кастрычніка. Нагодай сталі матэрыялы царквы ў сацсетках, якія раней былі прызнаныя "экстрэмісцкімі". Пасля юрыдычнай ліквідацыі царквы Вячаслаў Ганчарэнка запісаў зварот да вернікаў, у якім заклікаў іх збірацца і маліцца разам. У жніўні яго затрымлівалі сілавікі, 10 сутак пастар правёў за кратамі за "непадпарадкаванне".
