Пастар евангельскай царквы Антоній Бокун аштрафаваны на 3200 рублёў
![Антоній Бокун / vk.com/new_life_by](/sites/default/files/styles/gallery_main/public/2023-08/AB2.jpg.webp?itok=bSbaLdD7)
Антоній Бокун / vk.com/new_life_by
Пастар мінскай евангельскай царквы "Ян Прадвеснік" Антоній Бокун аштрафаваны на 3200 рублёў. Суд над ім прайшоў у пятніцу. За што яго пакаралі, пакуль невядома. Бокун ужо дома.
Пастара затрымалі ў чацвер. Спачатку выклікалі ў Фрунзенскае РУУС, а пасля паведамілі, што ён будзе чакаць у іх суда.
Днямі затрымлівалі пастара мінскай пратэстанцкай царквы "Новае жыццё" Вячаслава Ганчарэнку. Яго таксама аштрафавалі на 3200 рублёў і адпусцілі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.