Палітвязень Эдуард Бабарыка застаўся без адваката
Адвакат Ірына Варанкова не можа выконваць свае прафесійныя абавязкі з-за недастатковай кваліфікацыі, такое рашэнне прыняў Мінюст на паседжанні атэстацыйнай камісіі.
Варанкова вяла справу Эдуарда Бабарыкі, якога разам з бацькам затрымалі 18 чэрвеня 2020 года. З таго часу сын палітыка Віктара Бабарыкі знаходзіцца ў СІЗА КДБ.
Эдуарду прад'яўлена абвінавачанне па ч. 2 арт. 243 КК (ухіленне ад выплаты сум падаткаў і збораў, якое пацягнула шкоду ў асабліва буйным памеры).
Як паведамляла Еўрарадыё, 28 кастрычніка Віктар Бабарыка быў пазбаўлены апошняга з шасці адвакатаў. Дысцыплінарная камісія Мінскай гарадской калегіі адвакатаў вырашыла выключыць з адвакатуры Яўгена Пыльчанку за "сістэматычныя парушэнні заканадаўства".
