Пад Мінскам сышоў з рэек вагон
Надзвычайнае здарэнне адбылося недалёка ад чыгуначнай станцыі Калодзішчы пад Мінска, піша tut.by. 2 траўня сышоў з рэек адзін з вагонаў. Яго разам з іншымі перамяшчаў манеўровы састаў з пад'язнога шляху.
Відавочцы паведамляюць, што не было ні ахвяраў, ні шкоды навакольнаму асяроддзю. Затрымак у руху па чыгунцы таксама не было.
Афіцыйная прадстаўніца ўпраўлення Міністэрства па надзвычайных сітуацыях па Мінскай вобласці Настасся Швайбовіч паведаміла, што па дапамогу да ратавальнікаў з гэтай нагоды ніхто не звяртаўся.
