Новы амбасадар Швейцарыі пасля прыбыцця плануе наведаць Наталлю Хершэ
![Новы амбасадар Швейцарыі пасля прыбыцця плануе наведаць Наталлю Хершэ](/sites/default/files/styles/gallery_main/public/2023-08/7_8.jpg.webp?itok=-Vmgg2RZ)
Новы амбасадар Швейцарыі прыбудзе ў Мінск у лютым і плануе наведаць палітзняволеную Наталлю Херше. Пра гэта DW паведамілі ў МЗС Швейцарыі.
Крысціне Хонегер Залатухін уручыць уладам даверчыя граматы. Пры гэтым у замежнапалітычным ведамстве падкрэсліваюць, што ўручэнне даверчых грамат не лічыцца актам прызнання легітымнасці Аляксандра Лукашэнкі. Швейцарыя, як кажуць у МЗС, не выказваецца наконт легітымнасці кіраўнікоў дзяржаў — яна прызнае толькі дзяржавы.
Наталля Хершэ — ураджэнка Беларусі, ргамадзянка Швейцарыі. За сарваную з сілавіка балаклаву яе асудзілі на два з паловай гады калоніі. 30 студзеня яна абвясціла чарговую галадоўку за кратамі: жанчына пратэстуе супраць таго, што з ранку да позняга вечара вымушаная слухаць беларускае радыё.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.