Вы тут

Названая самая праблемная краіна для беларускіх гастарбайтэраў

pixabay.com

Названая самая праблемная краіна для беларускіх гастарбайтэраў. Як інфармуе minsknews.by, гэта Польшча. Да спецыялістаў праграмы "Ла Страда Беларусь" за першае паўгоддзе бягучага года звярнуліся больш за 3700 чалавек. 37% праблемных зваротаў былі якраз па Польшчы. Беларусы скардзяцца на парушэнне працоўных правоў, на поўную ці частковую нявыплату заробку.

Паводле статыстыкі, грамадзяне нашай краіны сутыкаліся з крызіснымі сітуацыямі ў 25 краінах свету. Гэта блізкія Расія, Украіна, Літва, Чэхія і далёкія краіны — Паўднёвая Карэя, Егіпет, Тайланд, ЗША. Акрамя працоўных пытанняў, згадваюцца факты хатняга гвалту ў міжнацыянальных шлюбах, затрыманні паліцыяй, страта дакументаў, пошук зніклых у замежжы.