На зімовай Паралімпіядзе Беларусь прадставяць 15 спартсменаў
![На зімовай Паралімпіядзе Беларусь прадставяць 15 спартсменаў](/sites/default/files/styles/gallery_main/public/2023-08/000028_b14b935f2b66276243258242002bf9aa_589370.jpg.webp?itok=ybrvV1yP)
На XII зімовай Паралімпіядзе ў Пхёнчхане Беларусь прадставяць 15 спартсменаў (сярод іх — 6 дэбютантаў). Яны выступяць у двух відах спорту — у біятлоне і лыжных гонках. Пра гэта на ўрачыстай цырымоніі ў Мінскай гарадской ратушы паведаміў старшыня Паралімпійскага камітэта нашай краіны Алег Шэпель. Паводле яго слоў, сцяг Рэспублікі Беларусь на адкрыцці Паралімпіяды будзе несці Людміла Воўчак, а капітанам каманды з'яўляецца Дзмітрый Лобан.
У складзе беларускай дэлегацыі будзе 40 чалавек. Яна вылеціць у Паўднёвую Карэю трыма групамі — 28 лютага, 2 і 6 сакавіка.
Паралімпійскія гульні пройдуць 9-18 сакавіка. У іх паўдзельнічаюць прадстаўнікі 48 краін. Расійскія паралімпійцы выступяць пад нейтральным сцягам.
Фота: БЕЛТА