На музыкаў з гурта Nizkiz распачалі крымінальную справу
![СІЗА № 1 на Валадарскага ў Мінску](/sites/default/files/styles/main_image_watermark_/public/2024-01/val20.jpg.webp?itok=VpHaHVGc)
СІЗА № 1 на Валадарскага ў Мінску / Euroradio
На музыкаў з беларускага гурта Nizkiz распачалі крымінальную справу. Іх перавялі ў следчы ізалятар № 1 на Валадарскага ў Мінску, паведамляе @MAYDAYMog. У чым менавіта абвінавачваюць музыкаў, пакуль невядома.
Пра затрыманне траіх удзельнікаў гурта Nizkiz вакаліста Аляксандра Ільіна, басіста Сяргея Кульшы і бубнача Дзмітрыя Халяўкіна стала вядома 6 студзеня 2024 года. Трое з чацвярых музыкаў жылі ў Магілёве, выязджаючы з горада на канцэрты. Іх судзілі па адміністрацыйных артыкулах. Пасля сілавікі сталі намякаць пра крымінальную справу.
Песня "Правілы" Nizkiz стала адным з сімвалаў пратэсту ў 2020 годзе. Святлана Ціханоўская назвала затрыманне музыкаў "ганебным актам помсты".
![На музыкаў з гурта Nizkiz распачалі крымінальную справу](/sites/default/files/styles/default_image_paragraph/public/paragraphs/image/45564.jpg.webp?itok=04H_RmlN)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.