На МКАД у двух аўтамабіляў адляцелі колы (фота)

2 красавіка на Мінскай кальцавой аўтадарозе ў двух аўтамабіляў падчас руху адляцелі колы. Пра гэтае здарэнне агенцтву "Мінск-Навіны" распавяла старшы інспектар па агітацыі і прапагандзе АДАІ Цэнтральнага РУУС Анастасія Радзько.

Прычым у "Опеля" кола, якое адарвалася ад легкавіка, пакацілася па МКАД. На шчасце, аварыі не здарылася. Дзяржаўтаінспектары вярнулі кола ўладальніку.

Высветлілася, што незадоўга да інцыдэнтаў кіроўцы абедзвюх машынаў былі на шынамантажы і ставілі на свае аўтамабілі сезонныя шыны.