На Брэстчыне 70% перавышэнняў хуткасці руху ўчынілі расіяне
Яны пераважна ехалі па аўтадарозе М1/Е30 Брэст — Мінск — мяжа Расійскай Федэрацыі да пунктаў памежных пераходаў і назад.
У Брэсцкай вобласці з 27 снежня па 12 студзеня супрацоўнікамі Дзяржаўтаінспекцыі падчас адпрацоўкі рэспубліканскіх аўтамабільных дарог спынены 4446 парушэнняў вадзіцелямі хуткаснага рэжыму, у тым ліку 2007 перавышэнняў устаноўленай хуткасці больш як на 20 км.
Рэкорднае перавышэнне хуткасці было зафіксавана 7 студзеня ў 12.00 у Баранавіцкім раёне на трасе М1. Расіянін на аўтамабілі "Аўдзі-А8" ехаў з хуткасцю 200 км за гадзіну пры дазволенай 120 км за гадзіну, інфармуе БелаПАН.
Фота — AFP
