На Белгародскую вобласць за два дні расійскія самалёты ўпусцілі 4 авіябомбы
Бомбы ФАБ / roe.ru
За апошнія двое сутак расійскія самалёты скінулі на Белагродскую вобласць чатыры фугасныя авіябомбы (ФАБ). Пра гэта піша "Астра", спасылаючыся на крыніцы ў экстранных службах рэгіёну.
22 траўня ў вёсцы Ясныя Зоры Белгародскага раёна ФАБ-250 знайшлі каля жылога дома. Жыхароў вуліцы эвакуявалі. 23 траўня тры бомбы выявілі ў Шабекінскай гарадской акрузе. Ва ўсіх выпадках ніхто не пацярпеў.
Апошнім часам Белгародская вобласць даволі часта церпіць ад "упушчаных" расійскіх авіябомбаў. 4 траўня расійскі самалёт упусціў бомбу на Белгарад: сем чалавек былі параненыя, 31 дом і 10 аўто — пашкоджаныя. Дзве бомбы ўпалі 13 траўня ў прыгарадзе Белгарада — пасёлку Разумнае.
