На Алу Пугачову напісалі данос у Генпракуратуру Расіі
Ала Пугачова / АГН "Масква"
Генпракуратура Расіі атрымала данос на спявачку Алу Пугачову. Яе просяць праверыць на фінансаванне Узброеных Сіл Украіны. Адпаведны зварот напісаў кіраўнік Федэральнага праекта па бяспецы і барацьбе з карупцыяй Віталь Барадзін, паведамляе ТАСС.
Барадзін заявіў, што Пугачова, пражываючы ў Ізраілі, працягвае крытыкаваць вайну ва Украіне (ён называе гэта "спецыяльнай ваеннай аперацыяй").
Таксама ён падкрэсліў, што спявачка падтрымлівае дзеячаў культуры і мастацтва, якія пакінулі Расію, крытыкуюць вайну і фінансава дапамаюць Украіне.
Некалькі дзён таму ён напісаў падобны данос на актрысу Лію Ахеджакаву, якая актыўна крытыкуе вайну.
