Музыкі гурта "Король и Шут" працягнуць выступаць пад назвай "Северный флот"
Такое рашэнне ўдзельнікі гурта прынялі, каб "захаваць карані".
Удзельнікі гурта "Король и шут" працягнуць творчую дзейнасць пад новай назвай "Северный флот" — у гонар адной з песень Міхаіла Гаршанёва.
На сайце гурта музыкі паведамілі, што не могуць "кінуць адзін аднаго і гурт, якому аддалі столькі гадоў", у такі складаны час. Аднак існаванне пад маркай "Король и шут" больш не магчымае. Наступны альбом музыкі выдадуць ужо пад назвай "Северный флот": маўляў, такім чынам яны "не згубяць карані", і абяцаюць што раз-пораз будуць выконваць старыя песні, але толькі ў тым выпадку, "калі гэта будзе ў іх добра атрымлівацца".
Музыкі плануюць даць серыю канцэртаў у памяць пра Гаршка, які памёр ноччу з 18 на 19 ліпеня.
Паводле zvuki.ru
Фота: ria.ru