Мужчына пакінуў непаўнаспраўную жонку ў агні
Жыхар мястэчка Рось Ваўкавыскага раёну шкадуе, што не дапамог жанчыне адразу. Раніцай ён прачнуўся ад дыму. Пайшоў у суседні пакой драўлянай хаты і ўбачыў, што ягоная грамадзянская жонка сядзіць на ахопленай агнём канапе. Замест таго, каб вывесці сяброўку на вуліцу, 56-гадовы мужчына кінуўся па дапамогу. Побач была прахадная камбікормавага завода. Калі людзі прыбеглі, пакой ужо быў у агні. 59-гадовая жанчына сканала, учадзеўшы. Выбрацца самастойна яна не магла - толькі выпісалася са шпіталя, у які трапіла са складаным пераломам бядра. Хутчэй за ўсё, прычынай пажара стала непатушаная цыгарэта, якую паліла няшчасная. Напярэдадні пара ўжывала алкаголь. Разам яны пражылі амаль 15 гадоў.
