Muse выдадуць канцэртны фільм з выкананнем рэдкіх песень
Матэрыял для дакументальнай стужкі быў зняты 13 жніўня ў зале The Zepp у Токіа. Пра планы ў сваім твітары паведаміў медыя-менеджар каманды Том Кірк.
На японскім канцэрце Muse выканалі шэраг сваіх старых, не надта папулярных песень, а таксама кавер на класічны твор "Can't Take My Eyes Off You", якая больш за ўсё вядомая ў выкананні Энгельберта Хампердзінка.
Нагадаем, існуе некалькі дакументальных стужак пра Muse. Самая поўная з іх — "Under Review”, знятая ў 2010 годзе.
Дарэчы, у красавіку Muse выдалі кліп на песню "Panic Station", таксама створаны ў Токіа. У ім музыкі паўстаюць у вобразе рэйв-каўбояў, якія ладзяць у сучасным Токіа сэкс-рэвалюцыю.
Паводле zvuki.ru
Фота: consequenceofsound.net