МУС дадало яшчэ адзін тэлеграм-канал у спіс экстрэмісцкіх матэрыялаў
Рэпост цягне адміністрацыйнае пакаранне ў выглядзе штрафу або арышту / Ілюстрацыйнае фота
Тэлеграм-канал "Элехтарат" і група "Чат Элехтарата" прызнаныя экстрэмісцкімі матэрыяламі, паведамляе МУС у панядзелак.
Такое рашэнне прынятае 22 кастрычніка судом Чыгуначнага раёна Гомеля па матэрыялах праверкі ГУБАЗіК МУС.
На дадзеным рэсурсе апублікаваныя "матэрыялы, у тым ліку экстрэмісцкія, накіраваныя на дыскрэдытацыю органаў дзяржаўнай улады і кіравання, заклікі і агітацыю да масавых беспарадкаў і захопу ўлады, хуліганскіх і тэрарыстычных дзеянняў".
Распаўсюд інфармацыі з экстрэмісцкіх крыніц, так званы рэпост, цягне адміністрацыйную адказнасць з пакараннем у выглядзе штрафу або арышту, нагадваюць у МУС.
Як паведамляла Еўрарадыё, МУС рыхтуе да публікацыі спіс фізічных асоб, якія датычныя да "экстрэмісцкай дзейнасці".
