Мінтранс: Студэнтам таксама могуць вярнуць льготны праезд
Як даведалася Еўрарадыё, рашэнне пра бясплатны праезд для ўсіх школьнікаў пакуль не прынята. Яго чакаюць да канца тыдня.
Рашэнне пра бясплатны праезд для ўсіх школьнікаў Беларусі пакуль не прынята. Пра гэта Еўрарадыё расказала прэс-сакратар Міністэрства транспарту Алена Саланенка. Па яе словах, такое рашэнне, адназначна, будзе прынятае да канца тыдня:
“Калі б было вырашана, пра гэта ўсе б даўно ведалі. Вы ж ведаеце як гэта ў нас бывае – Савет міністраў ці прэзідэнт падпісваюць указ. І ўсім усё становіцца вядома. Трэба чакаць, калі ўрад прыме рашэнне”.
Еўрарадыё: Калі гэтага можна чакаць?
Мінтранс: На гэтым тыдні павінна быць адназначна.
Між тым ёсць верагоднасць, што вернуць ільготны праезд студэнтам, кажа Алена Саланенка:
“Я думаю, што гэта пытанне разглядаецца. Але пакуль я не магу вам сказаць, таму што мы далі адзін праект дакумента, а які ён будзе на выхадзе, ніхто яшчэ не ведае”.
“Я думаю, што гэта пытанне разглядаецца. Але пакуль я не магу вам сказаць, таму што мы далі адзін праект дакумента, а які ён будзе на выхадзе, ніхто яшчэ не ведае”.
Нагадаем, што ад 7 снежня мінскія школьнікі сталі бясплатна ездзіць у грамадскім транспарце. З 13 снежня не плацяць за праезд вучні з Віцебска, Наваполацка, Оршы і Полацка.
Мінтранс: “Гэта вырашаюць мясцовыя органы кіравання. Мы да гэтага не маем ніякага дачынення. Гэта выканкамы самі вырашаюць”.
