Мінск узначаліў рэйтынг самых крымінальных гарадоў Усходняй Еўропы

Мінск стаў самым крымінальным горадам Усходняй Еўропы. Адпаведны рэйтынг апублікаваў даследчы цэнтр Numbeo.

У тройку лідараў увайшлі таксама два ўкраінскія гарады — Адэса і Дняпро.

Кіеў у гэтым рэйтынгу займае 9-е месца, Масква — 15-е, Варшава — 27-е. А Вільня нават не трапіла ў спіс з 31 горада Усходняй Еўропы.

Numbeo — праект, які заснаваў былы праграміст Google серб Младэн Адамавіч. Гэта база даных аб разнастайных сацыяльна-эканамічных аспектах жыцця ў гарадах свету. Яна робіцца на аснове адкрытай інфармацыі, апрацаванай празрыстым чынам — так, каб яе можна было праверыць.