Міністарка абароны Чэхіі заклікала да выхаду з ААН
![Яна Чарнахова](/sites/default/files/styles/gallery_main/public/2023-10/czekhia2910.jpg.webp?itok=YCtY9Esu)
Яна Чарнахова / t.me/yigal_levin
Міністарка абароны Чэхіі Яна Чарнахова пасля антыізраільскага галасавання ў ААН заклікала да выхаду Чэхіі з гэтай арганізацыі.
"Роўна тры тыдні таму ХАМАС забіў больш за 1400 ізраільцян. І толькі 14 краін, у тым ліку і наша, выступілі супраць беспрэцэдэнтнага тэракту, учыненага тэрарыстамі ХАМАС. Мне сорамна за ААН. На мой погляд — Чэхіі няма чаго чакаць ад арганізацыі, якая падтрымлівае тэрарыстаў і не паважае асноўнае права на самаабарону. Час прыбірацца з яе", — заявіла Чарнахова.
27 кастрычніка ААН прыняла рэзалюцыю, у якой заклікала ізраільцян і палестынцаў да міру. Аднак папраўкі, якія асуджаюць напад ХАМАС на Ізраіль 7 кастрычніка, у выніку якога загінулі і былі захопленыя ў заложнікі больш за 1400 чалавек, прынятыя не былі.
Супраць іх прагаласавалі ў асноўным мусульманскія краіны, а таксама Беларусь, Расія і Кітай.
![Министр обороны Чехии призвала к выходу из ООН](/sites/default/files/styles/default_image_paragraph/public/paragraphs/image/UN%20voting%202%202910.jpg.webp?itok=oWFkrBmp)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.