Мінінфарм РБ абараняе расійскі рынак ад ЛГБТК-прадукцыі з Беларусі
![Ігар Бузоўскі / sb.by, ілюстрацыйнае фота](/sites/default/files/styles/gallery_main/public/2023-08/buzouski-1704.jpg.webp?itok=FfeWmPm1)
Ігар Бузоўскі / sb.by, ілюстрацыйнае фота
Мінінфармацыі Беларусі папярэджвае выдаўцоў, каб яны не парушалі новы расійскі закон аб "прапагандзе ЛГБТ". Адпаведны ліст за подпісам намесніка міністра інфармацыі Ігара Бузоўскага публікуе "Салідарнасць".
У Расіі цяпер дзейнічае закон супраць "прапаганды ЛГБТ", які напрыканцы 2022 года падпісаў Уладзімір Пуцін. За "прапаганду" прысуджаюць вялізныя штрафы: 400 000 расійскіх рублёў (каля 12 400 беларускіх рублёў) для фізічных асобаў і да 5 мільёнаў расійскіх рублёў (каля 155 000 беларускіх рублёў) — для юрыдычных асобаў. Таксама Раскамнагляд можа блакаваць рэсурсы, дзе на думку цэнзараў публікуюць такую інфармацыю.
Па версіі Бузоўскага, расійскія выдаўцы ЛГБТК-літаратуры прыдумалі, як пазбегнуць штрафаў. Яны плануюць працягваць сваю дзейнасць не ў Расіі, а ў сумежных дзяржавах. У тым ліку — і праз Беларусь, што намеснік міністра лічыць "пагрозай нацыянальным інтарэсам".
Чыноўнік папярэджвае адрасатаў ліста, каб тыя, даведаўшыся пра такія ініцыятывы расійскіх выдаўцоў, паведамлялі ў Мінінфарм "для аператыўнага рэагавання".
![Мінінфарм РБ абараняе расійскі рынак ад ЛГБТК-прадукцыі з Беларусі](/sites/default/files/styles/default_image_paragraph/public/paragraphs/image/lgbtk-1704-2.png.webp?itok=UwcNlAuc)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.