Мікалай Карпянкоў стварыў фонд "Маладая гвардыя"

У Беларусі створаны фонд "Маладая гвардыя", які аб'ядноўвае ўсе ваенна-патрыятычныя клубы, палітыкаў і бізнесоўцаў. Пра гэта паведаміў намеснік міністра ўнутраных спраў генерал-маёр Мікалай Карпянкоў.

Урачыстае адкрыццё фонду прайшло 19 траўня ў вайсковай часці 3214. Там дзейі, якія займаюцца ў ваенна-патрыятычных клубах, паказвалі, як наввучыліся зборцы і разборцы аўтамата, стральбе з розных відаў зброі, рукапашнаму бою, кіраванню БЛА і FPV-дронамі ды іншаму.

Паводле Карпянкова, фонд патрэбны для папулярызацыі і развіцця ваенна-патрыятычнага руху.

Дырэктаркай фонду стала Ала Веруш. Яна заявіла, што "Маладая гвардыя" будзе дапамагаць выхаванцам клуба і іх сем'ям.

Зарэгістравалі фонд 3 траўня па адрасе Нацыянальнай бібліятэкі.

Апошнім часам улады актыўна займаюцца мілітарызацыяй школьнікаў: ваенна-патрыятычныя клубы ці класы намечана стварыць у кожнай школе.