Мігранты спрабавалі трапіць у Польшчу, схаваўшыся ў грузавым цягніку
![Затрыманыя мігранты](/sites/default/files/styles/gallery_main/public/2024-06/mig_17_06.jpg.webp?itok=Y_FT6IfI)
Затрыманыя мігранты / Пресс-служба Подляского пограничного управления в Кузнице
Супрацоўнікі польскай мытні выявілі ў чыгуначным пункце пропуску "Кузніца" (з беларускага боку — "Брузгі") чатырох мігрантаў. Мігранты спрабавалі трапіць у Польшчу, схаваўшыся ў паўвагонах таварнага цягніка. Цягнік перавозіў керамзіт, мужчыны неглыбока закапаліся ў груз. Іх выявілі і перадалі памежнай службе ў Кузніцы, піша Honda.life са спасылкай на прэс-сакратарку Падляскага ўпраўлення памежнай службы Кацярыну Здановіч.
Затрыманыя — грамадзяне Алжыра, ім ад 21 да 29 гадоў. Адзін з іх раней быў выправаджаны з ЕС з забаронай уезду на 10 гадоў. Прычынай зрабіліся парушэнні закона: крадзяжы з выкарыстаннем гвалту і пагроз. У 2018 годзе ў Бруге (Бельгія) ён нават быў асуджаны на восем месяцаў турэмнага зняволення.
Усіх знойдзеных у грузавым цягніку мігрантаў пакуль змясцілі ў Цэнтр абароны замежнікаў, але яны павінны будуць пакінуць Польшчу. Ім загадана вярнуцца ў краіну паходжання. Ім таксама будзе забаронены ўезд на тэрыторыю шэнгенскай зоны на пяць гадоў.
![Мигранты пытались попасть в Польшу, спрятавшись в грузовом поезде](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-06-17%20120522.png.webp?itok=Zr7EpgeG)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.