Меркель пагаворыць з Пуціным пра Беларусь
![Меркель пагаворыць з Пуціным пра Беларусь](/sites/default/files/styles/gallery_main/public/2023-08/2020-08-17t115739z_228255755_rc23fi9nsseb_rtrmadp_3_belarus-election.jpg.webp?itok=Kwvirnc0)
Канцлер Германіі Ангела Меркель у аўторак пагаворыць з расійскім прэзідэнтам Уладзімірам Пуціным пра сітуацыю ў Беларусі. Пра гэта паведаміў прэзідэнт Літвы Гітанас Наўседа. У яго была размова з Меркель.
Высвятляецца, што Берлін па дыпламатычных каналах спрабуе звязацца з беларускім кіраўніком "для пошуку выхаду з сітуацыі, якая склалася [у Беларусі]", паведамляе ТАСС. Гэта пацвердзіў і сам Лукашэнка падчас размовы з рабочымі Мінскага завода колавых цягачоў: "Ужо ўчора тэлефануе Меркель: я хачу пагаварыць...". Пасля высветлілася, што Ангела Меркель насамрэч з Аляксандрам Лукашэнкам не размаўляла.
Лідары ЕС плануюць абмеркаваць сітуацыю ў Беларусі 19 жніўня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.