Меркель і Ціханоўская правялі тэлефонную размову
22 лістапада Святлана Ціханоўская і Ангела Меркель правялі тэлефонную размову. Паведамляецца, што асноўнай тэмай была сітуацыя ў Беларусі.
На сайце нямецкага канцлера гаворыцца, што Меркель заявіла пра падтрымку беларускага дэмакратычнага руху з боку Германіі. Таксама выканаўца абавязкаў канцлера лічыць, што беларускія ўлады павінныя спыніць рэпрэсіі супраць апазіцыі ды незалежных журналістаў, вызваліць зняволеных і пачаць дыялог з грамадствам, каб прыйсці да справядлівых і свабодных новых выбараў.
