McDonald's прадае сетку сваіх рэстаранаў у Расіі

Кампанія McDonald's не проста сышла з Расіі, але яшчэ і вырашыла ўвогуле прадаць сваю сетку рэстаранаў у гэтай краіне. 

"Гэта складаная праблема, якая не мае прэцэдэнтаў і мае сур'ёзныя наступствы", — гаворыцца ў паведамленні кампаніі. 

McDonald's працаваў у Расіі 32 гады. Кампанія прыпыніла працу пасля таго, як Расія напала на Украіну. І, відавочна, вырашыла не чакаць заканчэння вайны, каб адкрыцца там ізноў.

Свой сыход з Расіі брэнд тлумачыць тым, што працягваць бізнес там цяпер "немэтазгодна і не адпавядае каштоўнасцям Mcdonald's".

Пад распродаж трапяць 850 рэстаранаў, у якіх працуюць 62 000 чалавек.