Лукашэнка завяршыў дзяржаўны візіт у В'етнам

9 снежня завяршыўся дзяржаўны візіт Аляксандра Лукашэнкі ў Сацыялістычную Рэспубліку В'етнам.

Як перадае БЕЛТА,  цяпер кіраўнік Беларусі накіраваўся ў Ашхабад. Ён будзе знаходзіцца з афіцыйным візітам у Туркменістане да 12 снежня. Там Лукашэнка правядзе перамовы з прэзідэнтам краіны Гурбангулы Бердымухамедавым. Па іх выніках будзе падпісаны шэраг міжнародных дакументаў.

Чакаецца, што Лукашэнка таксама наведае сумесную беларуска-туркменскую выставу-кірмаш, Алімпійскі гарадок. Акрамя таго, ён прыме ўдзел у міжнароднай канферэнцыі "Палітыка нейтралітэту: міжнароднае супрацоўніцтва ў імя міру, бяспекі і развіцця".

Фота: president.gov.by